Grand Combat Delusion myndin var svo léleg að nú er búið
að tínast þónokkuð úr partíinu. Því er ekki nægur fjöldi eftir
til að stöðva Atla frá því að kveikja á einhverjum myndum sem
hann vill horfa á. Hann kveikir því á uppáhaldsþáttaröð sinni,
Hydrationsword Saga. Þegar fer að líða á þættina ausir
Atli úr skálum visku sinnar um þessa þætti og fátt er látið
ósagt um innihald þáttanna. Hann talar lengi um hinn mikla
bardaga milli aðalkaraktersins ásamt Angrygon við hinn myrka
Ceus og endalok Angrygon í þeim bardaga. Í framhaldinu fer hann
að tala mikið um Futon-bræðurna og vélmenni þeirra ásamt AB
riddarann og fall hans yfir í myrkrið. Á þessum tímapunkti er
hópurinn fyrir framan sjónvarpið farinn að þynnast umtalsvert,
en það stöðvar ekki Atla. Hann heldur áfram og talar um rauðu
sigðina, skósveina AB riddarans og ógleymanlegum bardaga þeirra
þegar aðalkarakterinn fann fyrir sinni myrku hlið. Hann talar
svo um sigur aðalkaraktersins á AB riddaranum, en segir svo að
sögunni sé ekki lokið þar. Eftir sátu aðeins þeir þolinmóðustu,
en hann sagði þeim frá bardaganum við VaurSala, hvernig allir
sameinuðust sem eitt í lokinn til að sigrast á þessum mikla
andstæðingi og hvað margir töpuðu mörgu á leiðinni. Ekki tekur
langan tíma fyrir alla sem eftir voru að tínast burt og
fljótlega situr Atli einn eftir fyrir framan skjáinn. Hann
pásar þá þáttinn. Hann lítur í kringum sig og sér að allir eru
farnir. Hann hugsar með sér að hann ætti þá kannski að fara
koma sér, en hugur hann leiðist að fyrirlestrinum sem hann þarf
að semja fyrir keppnisforritunaráfangann. Hann fer því að hugsa
um rásarleitarreikniriti Floyds. ‘Hvað skyldi vera gott dæmi
til að prófa þekkingu fólks á rásarreikniriti Floyds?’ hugsar
hann. ‘Ég þarf að búa til eitthvað flott fall til að prófa það
á’ hugsar hann svo. Að öllu partístandi loknu fer hann heim og
þegar hann leggst upp í rúm fær hann loks hugmynd. ‘Aha!
$f(x) = ax^ b$ er flott!’
hugsar hann. Hann fer að sofa og daginn eftir þarf hann þá að
semja dæmið um þetta. En svo fattar hann að til að búa til
prófunargögn þarf hann að vera með lausn á dæminu sínu. Þar sem
hann nennir ekki að forrita frekar en vanalega þarf hann aðstoð
við þetta.
Gefnar eru þá þrjár tölur $a,
b, m$. Verkefnið er þá að keyra rásarleitarreiknirit
Floyds á $f(x) = ax^ b
(\textrm{mod} \ m)$. Látum $f^{[n]}(x)$ tákna $f$ beitt $n$ sinnum á $x$. Við viljum þá finna minnsta
$\mu $ þannig að
$f^{[\mu ]}(x) = f^{[\lambda +
\mu ]}(x)$ fyrir öll $x$ og eitthvað $\lambda > 0$. Fyrir þetta
$\mu $ á þá einnig að
finna minnsta slíka $\lambda
$. Prenta á þá $\mu ,
\lambda $.
Inntak
Eina línan í inntakinu inniheldur þrjár heiltölur
$a, b, m$ sem uppfylla
$0 \leq a, b \leq 10^{15}$
og $1 \leq m \leq
10^{15}$.
Úttak
Prentið $\mu $ og
$\lambda $ á einni línu
með bili á milli talnanna.
| Sample Input 1 |
Sample Output 1 |
2 3 17
|
0 4
|
| Sample Input 2 |
Sample Output 2 |
5 7 35
|
1 6
|
